նախընտրելի դարձնելՀՀ ՊՆ N զորամասի մարտական դիրք տանող ճանապարհը մաքրելիս ձորը գլորված բուլդուզերում գտնվող պայմանագրային զինծառայողները շարունակում են մնալ Վերակենդանացման բաժանմունքւոմ: NEWS.am-ի հետ զրույցում այսօր՝ ՀՀ ՊՆ կենտրոնական կլինիկական զինվորական հոսպիտալի պետ Արամ Ասատուրյանը նշեց, որ վթարից տուժած զինծառայողներից Վրույր Ներսիսյանի վիճակը ծանր է, իսկ Արմեն Պուխայինը՝ միջին ծանրության:
Վրույրը վիրահատության է ենթարկվել, նա ունի կրծքավանդակի փակ վնասվածք, դաստակի կոտրվածք եւ բազմաթիվ սալջարդեր, իսկ Արմեն Պուխայի վիճակը միջին ծանրության է, նա ունի ազդրի կոտրվածք եւ բազմաթիվ սալջարդեր:
Ավելի վաղ NEWS.am-ը տեղեկացրել էր, որ փետրվարի 15-ին՝ ժամը 15:00-ի սահմաններում, ՀՀ ՊՆ N զորամասի մարտական դիրք տանող ճանապարհը մաքրելիս ձորն է գլորվել զորամասին պատկանող T-170 բուլդոզերը, ինչի հետեւանքով բուլդոզերում գտնվող պայմանագրային զինծառայողներ Գարեգին Հակոբի Մինասյանը, Արմեն Միխայելի Պուխան եւ Վրույր Ֆիրդուսի Ներսիսյանն ստացել են մարմնական վնասվածքներ:
ՀՀ ՊՆ Գեղարքունիքի կայազորային զինվորական հոսպիտալ տեղափոխվելու ճանապարհին պայմանագրային զինծառայող Գարեգին Հակոբի Մինասյանը մահացել է:
Դեպքի առթիվ ՀՀ քննչական կոմիտեի ԶՔԳՎ հինգերորդ կայազորային քննչական բաժնում ՀՀ քրեական օրենսգրքի 377-րդ հոդվածի 2-րդ մասով հարուցվել է քրեական գործ, կատարվում է նախաքննություն:
