նախընտրելի դարձնելԱՄՆ-ում Ռուսաստանի նախագահ Վլադիմիր Պուտինի հավանության ցածր վարկանիշն ամերիկացիներին ուղղված քարոզչության հետեւանք է: Այս մասին ABC հեռուստաալիքն տված հարցազրույցում ասել է ՌԴ նախագահի մամուլի խոսնակ Դմիտրի Պեսկովը:
Լրոգրողը ուշադրություն է հրավիրել այն փաստին, որ ամերիկացիների միայն 9%-ն է համակրում Պուտինին եւ համարում ԱՄՆ-ի դաշանակից: Նա հետաքրքրվել է, թե արդյոք նման վիճակագրությունը «խնդիր է նախագահ Պուտինի համար»:
«Դա խնդիր չէ, բայց դա այն է, ինչի համար մենք ցավում ենք: Ավելի քան մեկ տարի ամերիկյան լսարանը դառնում է լուրջ հակառուսական քարոզչության թիրախ»,- ասել է Պեսկովը: Ըստ նրա՝ ամերիկացիները դարձել են այդ թարոզչության զոհը:
«Ամերիկացիները կարծում են, թե ռուս հաքերներ ամենուր են. ամեն անկյունում ու սառնարանում»,-ասել է Պեսկովը՝ ավելացնելով, որ նման հայտարարությունները «ֆեյք նորություն եւ զրպարտություն» է համարում:
