Հայաստանի ԱԻՆ-ում, այսօր՝ հունիսի 23-ին, ժամը 09:45-ին տեղեկություն է ստացվել, որ Երեւան քաղաքի Օհանովի փողոցի թիվ 72 շենքի բնակիչներից մեկը սպառնում է իրեն ցած նետել պատշգամբից:

Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը եւ հոգեբանական աջակցության բաժնի կրտսեր հրահանգիչը:

Փրկարարները բացել են բնակարանի դուռը. 1977 թ. ծնված Ս. Ա.-ը գտնվել է ոչ սթափ վիճակում: Շտապօգնության աշխատակիցները վերջինիս ցուցաբերել են համապատասխան օգնություն: