Արաբական աշխարհի խոշորագույն մասնավոր հեռուստաալիքը Անկարայի եւ մի շարք արաբական երկրների միջեւ հարաբերություններում աճող լարվածության ֆոնին դադարեցրել է թուրքական ծրագրերի հեռարձակումը, փոխանցում է Reuters-ը

Հատկապես թուրքական սերիալները մեծ տարածում ունեն Մերձավոր Արեւելքում, սակայն Dubai MBC Group-ը, որը վերահսկվում է սաուդյան գործարար Վալիդ Ալ Իբրահիմի եւ աաուդյան այլ ներդրողների կողմից, արգելել է բոլոր թուրքական ծրագրերի ցուցադրումը: «Որոշում է ընդունվել թուրքական սերիալների հեռարձակման արգելման մասին, որը ներառում է նաեւ մի շարք այլ արաբական երկրներում հեռուստաալիքների դիրքորոշումը»,- ասաց MBC-ի ներկայացուցիչ Մազեն Հայեքը՝ հրաժարվելով մեկնաբանել կայացված որոշումը: