նախընտրելի դարձնել«Քրեական դատավարության մասին» ՀՀ օրենքում փոփոխություններ կատարելու մասին» օրինագծի համաձայն՝ մեղադրյալի նկատմամբ կալանավորում կարող է կիրառվել նույնիսկ այն դեպքում, եթե նա զգալիորեն կամ համակարգված կերպով խախտում է խափանման միջոցների պայմանները: Այս մասին ՀՀ ԱԺ պետական-իրավական եւ մարդու իրավունքների հարցերի մշտական հանձնաժողովի նիստին «Քրեական դատավարության մասին» ՀՀ օրենքում փոփոխություններ կատարելու մասին» օրինագծի քննարկման ժամանակ հայտարարեց ՀՀ արդարադատության նախարար Դավիթ Հարությունյանը:
Նրա խոսքով՝ հաշվի են առնվել ԵԱՀԿ-ի կողմից առաջադրված նախապայմանները, որոնք պետք է հիմք ծառայեն ազատազրկման սկզբունքի կիրառման համար: «Մենք չենք կապում այս կարգավորումն ազատազրկման ժամկետների հետ: Եթե կան դեպքեր, երբ Քրեական օրենսգրքով մեկից պակաս տարի ժամկետով ազատազրկում է նախատեսված, իսկ ցանկացած այլ խափանման միջոց, օրինակ՝ ստորագրությամբ երկիրը չլքելը, կիրառվում է անձի նկատմամբ, եւ նա խախտում է խափանման այս միջոցը, ապա պետք է որոշակի համոզմունք ձեւավորվի առ այն, որ այս միջոցն այլեւս արդյունավետ չէ», - բացատրեց Հարությունյանը:
