Արմավիրի մարզի Արաքս համայնքից  երեկ գիշեր մեկ ընտանիքի  են շտապ օգնության մեքենաներով տեղափոխել եւ մեկուսացրել` կորոնավիրուսի կասկածանքով։ Այս լուրը NEWS.am-ի հետ զրույցում հաստատեց համայնքապետ Ռուբեն Կարապետյանը։

Նա նշեց, որ այս պահի դրությամբ այլ մանրամասներ չի կարող հայտնել, տեղեկացված չէ, միայն նշեց, որ իր տեղեկություններով՝  ընտանիքի անդամներին Ծաղկաձոր են տեղափոխել:

Նրա խոսքով՝ մեկուսացված ընտանիքը բաղկացած է չորս անձից․ «Ընտանիքում անչափահաս չկա,  չորս անդամ են՝ երեսունից մինչեւ  մոտ վաթսուն տարեկան։ Մինչ այս որեւէ դեպք գյուղում չի գրանցվել, սա առաջին էր: Կարեւորը գյուղում խուճապ չկա, բոլոր իրենց գյուղատնտեսական աշխատանքներով են զբաղված»։