Նախընտրելի
ՅՈՒՆԵՍԿՕ-ն 6-12 տարեկան երեխաներին հրավիրում է մասնակցելու նկարչական մրցույթի։
Մինչեւ մայիսի 17-ը երեխաները կարող են նկարել ՅՈՒՆԵՍԿՕ-ի Համաշխարհային ժառանգության ցանկում ընդգրկված այն հուշարձանները, որոնք կարեւոր են իրենց համար: Նկարում կարող է պատկերված լինել Համաշխարհային ժառանգության ցանկում ընդգրկված ինչպես իրենց հայրենիքի մշակութային վայրերը, այնպես էլ որեւէ այլ երկրի։ ՅՈՒՆԵՍԿՕ-ի կայքում կարելի է ուսումնասիրել Համաշխարհային ժառանգության ցանկում ընդգրկված մշակութային վայրերը։
Ընտրված նկարները ՅՈՒՆԵՍԿՕ-ն կտեղադրի իր կայքում։
Գրառումները պահանջում են ծնողի համաձայնությունը եւ պետք է տարածվեն իրենց Instagram-ի էջի միջոցով՝ մասնակցող երեխայի անունից։ Հրապարկումը պետք է լինի «Հանրային», որպեսզի դրանք տեսանելի լինեն ՅՈՒՆԵՍԿՕ-ի համար:
Հայաստանից ցանկում գրանցված են հետեւյալ վայրերը
• «Հաղպատի եւ Սանահինի վանքեր» (1996 թ., 2000 թ.),
• «Էջմիածնի Մայր տաճար եւ եկեղեցիներ (Սբ. Հռիփսիմե, Սբ. Գայանե, Սբ.Շողակաթ) եւ Զվարթնոցի տաճարի հնավայր» (2000 թ.),
• «Գեղարդի վանք եւ Ազատ գետի վերին հովիտ» (2000 թ.):
Ինչպես մասնակցել.
1.Հետեւել/ Follow ՅՈՒՆԵՍԿՕ-ի Instagram-յան էջին;
2. «Like» անել ՅՈՒՆԵՍԿՕ-ի Փոքրիկ նկարիչների ցուցահանդեսի վերաբերյալ գրառմանը:
3. Հրապարակել նկարը եւ կարճ նկարագիրը Instagram-ում՝ ներառելով նկարիչիանունը, տարիքը եւ երկիրը օգտագործելով #ShareOurHeritage հեշթեգը եւ նշելով @unesco էջը։
4. Instagram-ի պատմություն/ Instagram story հատվածում կիսվել/ Share
ՅՈՒՆԵՍԿՕ-ի Փոքրիկ նկարիչների ցուցահանդեսի վերաբերյալ գրառումով՝ #ShareOurHerading հեշթեգով եւ նշել @unesco էջը։
Հուսով ենք, որ այս նախաձեռնության շնորհիվ երեխաները կկարողանան արտահայտել իրենց ստեղծագործ միտքն այս դժվար պահին, ինչպես նաեւ ավելի խորը գիտելիքներ ձեռք կբերեն աշխարհի մշակութային ժառանգության վայրերի մասին:
Տեղեկացնենք նաեւ, որ ՅՈՒՆԵՍԿՕ-ի կայքում ստեղծվել է «Պատրիմոնիտոյի համաշխարհային ժառանգության արկածները» վերնագրով երիտասարդ հանդիսատեսի համար մուլտֆիլմեր՝ Համաշխարհային ժառանգության վայրերի մասին:
