նախընտրելի դարձնել
Այս համաձայնագիրը լրացնում է խոշոր փաթեթային համաձայնագիրը ԵԱՏՄ-ի եւ Սինգապուրի միջեւ: Այս մասին մայիսի 4-ին ՀՀ Ազգային ժողովում Տարածաշրջանային եւ եվրասիական ինտեգրման հարցերի մշտական հանձնաժողի նիստին «Հայաստանի Հանրապետության եւ Սինգապուրի Հանրապետության միջեւ առեւտրային ծառայությունների եւ ներդրումների մասին» Համաձայնագրի վավերացման հարցի քննարկման ժամանակ հայտարարեց ՀՀ Էկոնոմիկայի փոխնախարար Վարոս Սիմոնյանը:
Ինչպես նշեց փոխնախարարը, հաշվի առնելով այն փաստը, որ Համաձայնագիրը տարբեր ոլորտներին վերաբերող ծառայությունների եւ ներդրումների տարրեր է պարունակում, Համաձայնագրի իրականացման համար պատասխանատու մարմիններն են էկոնոմիկայի նախարարությունը, Ֆինանսների նախարարությունը, արդարադատության նախարարությունը, արտաքին գործերի նախարարությունը, Քաղաքացիական ավիացիայի կոմիտեն, Անշարժ գույքի կադաստրի կոմիտեն, Հեռուստատեսության եւ ռադիոյի ազգային հանձնաժողովը, Հանրային ծառայությունները կարգավորող հանձնաժողովը, տնտեսական մրցակցության պաշտպանության պետական հանձնաժողովը եւ Հայաստանի Հանրապետության Կենտրոնական բանկը:
Քննարկումներից հետո խորհրդարանականները դրական եզրակացություն տվեցին սույն Համաձայնագրին: Այս համաձայնագիրը լրացնում է խոշոր փաթեթային համաձայնագիրը ԵԱՏՄ-ի եւ Սինգապուրի միջեւ:
