Զինված անհայտ անձը ներխուժել է Թբիլիսիի Ծերեթելիի պողոտայում գտնվող միկրոֆինանսական կազմակերպության շենք: Այս մասին ուրբաթ հայտնել է վրացական «Իմեդի» հեռուստաալիքը:

Այս պահին շենքի հարակից տարածքը շրջափակված է: Ոստիկանության ջոկատներ են մոբիլիզացվել:

Նախնական տեղեկություններով` միկրոֆինանսական կազմակերպությունում կան նաեւ մարդիկ:

Հանրապետության ներքին գործերի նախարարությունը պաշտոնական մեկնաբանություններ դեռ չի արել: