Նախընտրելի«Մենք անպայման փոխելու ենք Կովկասի ճակատագիրը», — հինգշաբթի օրը Haberturk հեռուստակայանի եթերում հայտարարել է Թուրքիայի արտգործնախարար Ահմեդ Դավութօղլուն։
«Մի օր Կարսից դուրս եկած ավտոմեքենան կշարժվի դեպի Բաքու` ճանապարհին հանգիստ անցնելով Երեւանով, Քելբաջարով եւ Աղդամով», — ասել է Դավութօղլուն։
Պարզաբանելով, թե ինչպես կարելի է հասնել այդ նպատակին, Թուրքիայի արտաքին քաղաքական գերատեսչության ղեկավարը նշել է. — «Հիմա մենք Կովկասում հոգեբանական հեղափոխություն ենք իրականացնում։ Այս քաղաքականության արդյունավետության համար նախ եւ առաջ անհրաժեշտ է, որ դրան հավատան իրականացնողները, ապա հարկ է այնպես անել, որ մնացածներն էլ սկսեն հավատալ: Մենք հավատում ենք»։
