նախընտրելի դարձնել
Թուրքիայի սպառողական գների գնաճը մայիսին տարեկան կտրվածքով աճել է մինչեւ 73.5 տոկոս, հայտնում է Թուրքիայի վիճակագրական ինստիտուտը։ Ամսական կտրվածքով գներն աճել են 2.98 տոկոսով։
Թուրքիայում գրանցվել է գնաճի ամենաբարձր մակարդակը վերջին երկու տասնամյակում այն բանից հետո, երբ անցյալ տարվա վերջին Կենտրոնական բանկը նվազեցրեց տոկոսադրույքները, ինչով արժութային ճգնաժամ առաջացրեց: Կենտրոնական բանկը, գործելով նախագահ Ռեջեփ Թայիփ Էրդողանի կարգադրությամբ, 2022 թ. փոխառությունների արժեքն անփոփոխ թողեց՝ չնայած գների կտրուկ աճին:
Reuters-ի կողմից հարցված 14 հաստատությունների միջին գնահատականի համաձայն՝ սպասվում է, որ սպառողական գների գնաճը մինչեւ 76.6 տոկոս կկազմի։ Կանխատեսումները տատանվում էին 72.5-ից 80.4 տոկոսի սահմաններում:
Ինստիտուտի տվյալներով՝ արտադրողների գների գնաճն արագացել է մինչեւ 132.2 տոկոս՝ ապրիլի 121.8 տոկոսի համեմատ:
Տվյալների հրապարակումից հետո լիրան ընկել է 0.2 տոկոսով՝ դոլարի դիմաց մինչեւ 16.49։ Արժույթն այս տարի ընկել է գրեթե 20 տոկոսով՝ 2021-ին իր արժեքի 44 տոկոսը կորցնելուց հետո:
