նախընտրելի դարձնել
Եվրահանձնաժողովը հոկտեմբերի երկրորդ կեսին կներկայացնի Եվրամիության հարկաբյուջետային կանոններում առաջարկվող փոփոխությունները, որոնք, հավանաբար, երկրներին պարտքը նվազեցնելու անհատական ուղիներ կառաջարկեն, շաբաթ օրը հայտարարել է հանձնաժողովի փոխնախագահ Վալդիս Դոմբրովսկիսը, հաղորդում է Reuters-ը։
Պրահայում ԵՄ ֆինանսների նախարարների բանակցություններից հետո կայացած մամուլի ասուլիսում Դոմբրովսկիսն ասել է, որ եվրոյի արժեքի պահպանման կանոնների հիմնական նպատակը կլինի պետական պարտքի կայունության ապահովումը։
Ըստ ԵՄ կանոնների՝ պետական պարտքը պետք է լինի համախառն ներքին արդյունքի (ՀՆԱ) 60 տոկոսից պակաս, իսկ պետական բյուջեի դեֆիցիտը՝ ՀՆԱ-ի 3 տոկոսից պակաս։
Սակայն համավարակի արդյունքում շատ երկրների պարտքը գերազանցել է ՀՆԱ-ի 100 տոկոսը՝ Հունաստանում այն կազմում է մոտ 185 տոկոս, իսկ Իտալիայում՝ մոտ 150 տոկոս: Մյուս կողմից, Էստոնիայի պարտքը կազմում է ընդամենը 18,1 տոկոս, Լյուքսեմբուրգինը՝ 24,4 տոկոս, Լիտվայինը՝ 44,3 տոկոս։
Հանձնաժողովը կառաջարկի խստացնել կանոնների պահպանումը, եթե դրանք չկատարվեն, ասել է Դոմբրովսկիսը, «քանի որ նախկին պրակտիկան ցույց է տալիս, որ կանոնների պահպանումը ոմանց համար առաջնահերթություն չէ»:
Հանձնաժողովը նաեւ կառաջարկի պարզեցնել կանոնները՝ կենտրոնանալով մեկ դիտարկվող ցուցանիշի վրա, ինչպիսին է ծախսերի չուցանիշը, ասել է Դոմբրովսկիսը։
Ծախսերի վերահսկող ցուցանիշը կանոն է, որը թույլ է տալիս կառավարություններին տարեկան ավելացնել տնտեսության պոտենցիալ աճի տեմպերի ծախսերը՝ տեմպեր, որոնց դեպքում տնտեսությունն աճում է առանց ավելորդ գնաճ առաջացնելու:
Այսպիսով, երբ տնտեսությունը պոտենցիալից ավելի արագ է աճում եւ գերտաքանում է, ծախսերի կրճատումն օգնում է սառեցնել այն: Երբ տնտեսությունն իր պոտենցիալ մակարդակից ցածր է աճում, պետական ծախսերի ավելացումն օգնում է նրան լրացնել բաց թողածը:
