նախընտրելի դարձնել
Ուկրաինական Ukrspecsystems ընկերությունը ներկայացրել է MiniShark նոր անօդաչուն, հաղորդում է «Ուկրաինական ռազմական պորտալ» պարբերականը։
Ընկերությունը պնդում է, որ անօդաչուն կարող է բացահայտել հատուկ ստորաբաժանումների եւ ցամաքային զորքերի ստորաբաժանումների ցամաքային թիրախները: Անօդաչուի կիրառման շառավիղը հասնում է 35 կիլոմետրի։ Ըստ մշակողների ՝ դրա առավելություններից մեկն այն է, որ արձակվում է ձեռքից եւ հեշտությամբ տեղափոխվում, քանի որ ամբողջ համակարգը տեղավորվում է երկու ուսապարկերի մեջ:
«2,5 մետր թեւերի բացվածքով եւ 125 սանտիմետր երկարությամբ անօդաչուն ունի մինչեւ 5 կիլոգրամ առավելագույն թռիչքային զանգված, թռիչքի տեւողությունը 2 ժամ է»,-գրում է պարբերականը: Նշվում է նաեւ, որ հայտարարված թռիչքի առավելագույն արագությունը կազմում է ժամում 120 կիլոմետր, իսկ թռիչքի աշխատանքային բարձրությունը ՝ 1000 մետր:
