նախընտրելի դարձնել
Բելգիայի ոստիկանությունը հետաքննում է Շառլերուա քաղաքում դպրոցների հրդեհման փորձերը, այստեղ ծնողները դժգոհ են դպրոցներում սեքսի եւ սեռական կողմնորոշման մասին նոր պարտադիր առարկայից։ Ինչպես տեղեկացրել է «ՌԻԱ Նովոստի»-ն, այս մասին հայտնել է SudInfo պարբերականը։
Առկա տեղեկատվության համաձայն՝ հետաքննությունը վարվում է անհայտ անձանց կողմից դպրոցների գիշերային հրդեհման փորձերի չորս էպիզոդներով։ Դպրոցների պատերին սեւ ներկով արվել են «Ոչ Evras»-ին մակագրություններ, դա նոր առարկայի անվանման հապավումն է՝ «Կրթություն սեռական հարաբերությունների եւ սեքսուալության մասին»։
Երկժամյա ամենամյա դասընթացը պարտադիր է դարձել 11-12 եւ 15-16 տարեկան դպրոցականների համար այս տարվանից։ Դրա հեղինակները հայտարարել են, որ այն «պատասխան կտա դեռահասների հարցերին նրբին թեմաների վերաբերյալ», ներառյալ «սեքսիզմը, սեռական բռնությունը եւ գենդերային կարծրատիպերը»։
Առարկայի հակառակորդները մտավախություն ունեն, որ դպրոցներում կքարոզվեն հիպերսեքսուալություն եւ սեռական կողմնորոշման փոխում։ Իսլամական եւ կաթոլիկական կազմակերպությունները կոչ են արել ցույցեր կազմակերպել պարտադրվող դպրոցական առարկայի դեմ։
Ոստիկանությունն, իր հերթին, խոստանում է գտնել չարագործներին, որոնք փորձել են այրել դպրոցները։
