նախընտրելի դարձնել
Լոնդոնի ոստիկանությունը շաբաթ գիշերը ձերբակալել է 25-ամյա մի տղամարդու, ով իբր բարձրացել է պատի վրայով և մտել Բուքինգհեմյան պալատի թագավորական ախոռներ, հայտնում է Associated Press-ը։
Տղամարդը ձերբակալվել է ժամը 01:25-ին՝ վերահսկվող տարածք ապօրինի մուտք գործելու համար, ասվում է Լոնդոնի ոստիկանության հաղորդագրության մեջ։ Նրան տեղափոխել են Լոնդոնի ոստիկանական բաժանմունք, որտեղ մնացել է մինչև ուշ առավոտ։
Ոստիկանները տղամարդուն հայտնաբերել են թագավորական ախոռների մոտ՝ տարածքը խուզարկելուց հետո։ Ոստիկանության տվյալներով՝ նա երբեք չի մտել պալատ կամ դրա այգիներ։
Բուքինգհեմյան պալատը, որը մոտ 300 տարեկան է, վերանորոգվում է, և Չարլզ III թագավորն այնտեղ չի ապրում։
Բրիտանացի միապետը շաբաթ օրը Շոտլանդիայում էր։
