նախընտրելի դարձնել
Հարավկորեական KHNP ընկերությունը շահել է շահութաբեր պետական մրցույթը Չեխիայում առնվազն երկու միջուկային ռեակտոր կառուցելու համար, քանի որ երկիրը ձգտում է էներգետիկ առումով ավելի անկախանալ և հրաժարվել հանածո վառելիքից, հայտնել է AP-ն:
Չեխիայի վարչապետ Պետր Ֆիալան հայտարարել է, որ կորեական ընկերության հայտը «գրեթե բոլոր չափանիշներով» ավելի լավն է, քան նրա մրցակից Frances EDF ընկերության հայտը:
Պայմանագիրը կստորագրվի 2025 թվականի մարտի վերջին։ Ակնկալվում է, որ առաջին նոր ռեակտորը փորձնական ռեժիմով կսկսի գործել մինչև 2036 թվականը, իսկ երկրորդը դրանից մոտ երկու տարի անց:
Կառավարությունն նման որոշումը է ընդունել այն բանից հետո, երբ պետական էներգետիկ CEZ ընկերությունը գնահատել է բազմամիլիարդանոց պայմանագրի հայտերը։ Ապրիլին KHNP-ն և EDF-ը հայտ են ներկայացրել գործող Դուկովանիի ատոմակայանում առնվազն մեկ ռեակտոր կառուցելու համար: Երկու նոր ռեակտորները կլրացնեն 510 մեգավատ հզորությամբ Դուկովանի՝ 1980-ականներին կառուցված չորս էներգաբլոկները: Կառավարության հաշվարկներով՝ յուրաքանչյուրը կարժենա մոտ 200 միլիարդ չեխական կրոն (8,6 միլիարդ դոլար):
