Թուրքիայի նախագահ Ռեջեփ Թայիփ Էրդողանը Ազգային պաշտպանության համալսարանին առընթեր ցամաքային ռազմական քոլեջում ելույթի ժամանակ Իսրայելն «ահաբեկչական պետություն» է անվանել:

Անդրադառնալով Գազայի հատվածին իսրայելական հարվածների վերսկսմանը՝ Էրդողանը նշել է, որ «անցած գիշեր Գազայի վրա իր դաժան հարձակումներով Սիոնիստական ​​ռեժիմը հերթական անգամ ապացուցեց, որ այն անմեղ մարդկանց արյունով սնվող ահաբեկչական պետություն է»,- հայտնել է Անադոլու գործակալությունը։

Էրդողանը նշել է, որ Թուրքիան կշարունակի ուժեղացնել դիվանագիտական ​​ջանքերը «կոտորածը դադարեցնելու, հրադադարը վերականգնելու և խաղաղություն հաստատելու համար»։

Հիշեցնենք, որ Գազայի հատվածում իսրայելական վերսկսված հարվածների հետևանքով, վերջին գնահատականներով, առնվազն 404 մարդ է զոհվել։