ԱՄՆ նախագահ Դոնալդ Թրամփը հայտարարել է, որ Վիետնամի ղեկավարությունը պատրաստակամություն է հայտնել չեղարկել ամերիկյան ապրանքների նկատմամբ սահմանած բոլոր մաքսատուրքերը:

«Հենց նոր արդյունավետ հեռախոսազրույց ունեցա Վիետնամի Կոմունիստական ​​կուսակցության գլխավոր քարտուղար Լամի հետ, որն ինձ ասաց՝ Վիետնամը ցանկանում է իջեցնել իր մաքսատուրքերը զրոյի, եթե կարողանա համաձայնության գալ ԱՄՆ-ի հետ», - գրել է ամերիկացի առաջնորդը Truth Social-ում: Թրամփը նշել է, որ «անհամբերությամբ սպասում է մոտ ապագայում հանդիպելու» Թո Լամի հետ։

Ամերիկյան իշխանությունների տվյալներով՝ Միացյալ Նահանգների և Վիետնամի միջև ապրանքաշրջանառությունը 2024 թվականի վերջին կազմել է մոտ 149,6 միլիարդ դոլար։ ԱՄՆ-ից Վիետնամ մատակարարումները գնահատվում են 13,1 միլիարդ դոլար, Վիետնամից Միացյալ Նահանգներ՝ 136,6 միլիարդ դոլար։

Ապրիլի 2-ին ամերիկացի առաջնորդը հայտարարեց 185 երկրների և տարածքների ապրանքների համար մաքսատուրքեր սահմանելու մասին։ Նա հայտարարեց, որ ներմուծվող ապրանքների համար նվազագույն մաքսատուրք կսահմանի 10 տոկոս։

Առանձին պետությունների համար նա անհատական ​​սակագներ սահմանեց։ Մասնավորապես, վիետնամական ապրանքների ներմուծման մաքսատուրքերը կկազմեն 46 տոկոս։