Իսրայելի նախկին վարչապետ Նաֆթալի Բենեթը X սոցիալական ցանցում սուր քննադատության է ենթարկել երկրի ներկայիս կառավարությանը՝ մեղադրելով նրան վախկոտության մեջ։

«Վերջին մեկուկես տարվա ընթացքում Իսրայելի պաշտպանական ուժերն ամբողջովին տեղակայված են Լիբանանի, Սիրիայի, Հորդանանի հովտի, Հրեաստանի և Սամարիայի հետ սահմաններին, Սինայի սահմանին, Գազայի սահմանին և բուն Գազայում։ Մենք դեռ երբեք ստիպված չենք եղել վերահսկել սահմանապահների և զինվորների նման քանակություն։ Իսրայելի պաշտպանության բանակը ներկայումս 20․000 զինվորի կարիք ունի», - գրել է Բենեթը։

Ըստ նրա, իշխանությունները շարունակում են օգտագործել նույն պահեստազորայիններին՝ «ուսանողների, բիզնեսի սեփականատերերի, ինժեներների, ընկերության ղեկավարների և այլն»՝ կիրառելով, այսպես կոչված, «8-րդ հրամանը», որը նախատեսված է արտակարգ իրավիճակների համար։

Միևնույն ժամանակ, ինչպես նշել է Բենեթը, ուլտրաօրթոդոքսերը նույնիսկ չեն մտածում բանակում ծառայելու մասին, քանի որ երկրի իշխանությունները որևէ քայլ չեն ձեռնարկում դրա համար։