նախընտրելի դարձնելԱբովյան փողոցի մայթերին տեղադրված ժամանակավոր շինություններն ապամոնտաժելու եւ մայթերն ազատելու նպատակով՝ Երեւանի քաղաքապետ Տարոն Մարգարյանի հանձնարարությամբ, դեռ անցյալ տարվա դեկտեմբերից բանակցություններ էին ընթանում տնտեսվարողների հետ։
Քաղաքապետարանի մամուլի ծառայությունից NEWS.am-ին հայտնում են, որ բանակցությունների արդյունքում ձեռքբերված համաձայնությամբ՝ տնտեսվարողների մի մասը դեռեւս դեկտեմբերին ինքնակամ ապամոնտաժեց իրեն պատկանող ժամանակավոր շինությունները։ Մասնավորապես ապամոնտաժվել են Թումանյան-Աբովյան փողոցների խաչմերուկում, Կաթողիկե եկեղեցու հարակից հատվածում, «Մոսկվիչկա» խանութի հարեւանությամբ տեղադրված ժամանակավոր շինությունները։ Ներկայում աշխատանքներ են ընթանում եւ ապամոնտաժվում է Աբովյան փողոցի վերին հատվածում տեղակայված եւս 4 ժամանակավոր շինություն։
