Լիտվան, Մինսկի դրական ազդանշաններում համոզվելուց հետո, անմիջապես կբացի Բելառուսի հետ սահմանը, լրագրողներին ասել է Լիտվայի վարչապետ Ինգա Ռուգինիենեն։

 «Մենք տեսնում ենք դրական զարգացումներ Բելառուսից։ Այնուամենայնիվ, մենք պետք է համոզվենք, որ դրանք իսկապես դրական նշաններ են»,- ասել է նա։

Այդ դեպքում Վիլնյուսը, ըստ կառավարության ղեկավարի, պատրաստ է արձագանքելու։ «Եթե այդպես լինի, մենք անմիջապես և անհապաղ կբացենք սահմանը»,- պնդել է վարչապետը։

Հոկտեմբերի 29-ին Վիլնյուսը միակողմանիորեն մեկ ամսով փակեց Բելառուսի հետ սահմանը՝ պնդելով, որ Մինսկը դիտավորյալ չի վերահսկում իր տարածքից ծխախոտով լի օդապարիկների արձակումը, որոնք սպառնում են քաղաքացիական ավիացիայի անվտանգությանը։ Ի պատասխան՝ Բելառուսը դադարեցրեց լիտվական բեռնատարների՝ սահմանով անցնել թույլատրելը։ Արդյունքում, ավելի քան 1000 բեռնատար մնացել է այնտեղ։