Չինացի երկրաբանները Չինաստանի հյուսիս-արեւելքում գտնվող Լյաոնին նահանգում հայտնաբերել են երկրի ամենամեծ ցածրորակ ոսկու հանքավայրը՝ 1 440 տոննա թանկարժեք մետաղի պաշարներով։ Այս մասին հայտնել է Բնական պաշարների նախարարությունը։

Նախարարության WeChat էջի համաձայն՝ Դադունգոու հանքավայրում ոսկու միջին կխտությունը կազմում է 0.56 գրամ մեկ տոննայի համար։ 3 100 կիլոմետրից ավելի ձգվող հանքաքարը գտնվում է 115-ից մինչեւ 913 մետր խորության վրա, միջին հաստությունը՝ 263 մետր, իսկ առավելագույնը՝ 513 մետր։

Հայտարարության մեջ ընդգծվել է, որ նախագծի իրականացումը կավելացնի Չինաստանի ռազմավարական ոսկու պաշարները, այն «մեծ նշանակություն ունի Լյաոնին նահանգում համաշխարհային մակարդակի ոսկու հանքարդյունաբերական բազա ստեղծելու համար»։