«Սպիտակ փիղ» մրցանակի դափնեկիրներին գաղտնի քվեարկությամբ կընտրի Գիլդիայի փորձագետների խորհուրդը, իսկ հաղթողների անունները կհրապարակվեն փետրվարին: Ըստ «Ինտերֆաքս»-ի, լավագույն ֆիլմի կոչման համար պայքարելու են Վասիլի Սիգարովի «Օզ երկիրը», Ալեքսեյ Ֆյորդորչենկոյի «Հեղափոխության հրեշտակները» եւ Ալեքսանդր Մինդաձեի «Փոքր Հանս, թանկագին Պյոտրը»:
«Լավագույն ռեժիսոր» անվանակարգում առաջադրված են Ալեքսեյ Ֆյոդորչենկոն, Ալեքսանդր Մինդաձեն եւ Աննա Մելիքյանը («Սիրո մասին»): Լավագույն սցենարիստի կոչմանը հավակնում են Յուրի Արաբովը («Օռլեան»), Վասիլի Սիգարյովը եւ Անդրեյ Իլյենկովը («Օզ երկիրը»):
Ռուսաստանցի քննադատները լավագույն դերասանուհուն կընտրեն հետեւյալ թեկնածուներից. Յանա Տրոյանովա («Օզ երկիրը»), Բլիյա Պերեսիլդ («Սեւաստոպոլի ճակատամարտը»), Իրինա Կուպչենկո («Ուսուցչուհին»): Իսկ տղամարդու լավագույն դերակատարման համար «Սպիտակ փիղ» կարող են ստանալ Ալեքսանդր Յացենկոն, Մարկո Նիկոլիչը, Յակոբ Դիլը կամ Եվգենի Ցիգանովը:
Բացի այդ, փորձագետները կքվեարկեն երկրորդ պլանի դերասան եւ դերասանուհի ընտրելու համար: