Facebook-ը պատրաստվում է համացանցի հայտնիներին 2.2 մլն դոլար վճարել՝ Live հեռարձակման ծառայությունն առաջ մղելու համար: Այս մասին գրում է Lenta-ն՝ վկայակոչելով The Wall Street Journal-ը:
Ընդհանուր առմամբ, սոցիալական ցանցը գովազդի համար 50 մլն դոլար է ծախսելու: Այս գումարի մեծ մասը կհատկացվի հանրահայտ անձանց եւ մեդիա- ընկերություններին:
Ընկերությունը պատրաստվում է շուրջ 140 տարբեր մեդիա-ընկերությունների ներգրավել, այդ թվում՝ The New York Times-ին եւ BuzzFeed-ին: Խոշոր գումարներ կստանան նաեւ հայտնի մարդիկ. օրինակ՝ օլիմպիական չեմպիոն, լողորդ Մայքլ Ֆելփսը 224 հազար դոլար կստանա, «Աստղային ճանապարհից» դերասան Ջորջ Թաքեին՝ 114 հազար դոլար:
Բացի այդ, սոցցանցի հիմնադիր Մարկ Ցուկերբերգը պատրաստվում է գումարի մի մասը տրամադրել YouTube-ում, Vine-ում, Instagram-ում եւ Snapchat-ում հայտնի բլոգերներին՝ պայմանով, որ նրանք ամսական նվազագույնը հինգ անգամ կօգտվեն Facebook Live ուղիղ հեռարձակման ծառայությունից: