Չինաստռանի Գուանչժոու քաղաքի մետրոպոլիտենի աշխատակազմը հունիսի վերջից սկսելու է փորձարկել մետրոյի վագոններ, որոնք կանանց համար են նախատեսված, հայտնում է «Սինհուան» ։

Ենթադրվում է, որ յուրաքանչյուր կազմում կլինի մեկական վագոն ՝ կանանց համար, որից նրանք կկարողանան օգտվել ամենամարդաշատ ժամերին՝ առավոտյան 7։30-ից մինչեւ 9։30-ը եւ 17։00-ից մինչեւ 19։00։ Մյուս ժամերին արական սեռի ուղեւորները նույնպես կարող են օգտվել այդ վագոնից։ Այս կանոնը պարտադիր ուժ չունի, քանի որ չկա օրենսդրական բազա՝ հասարակական տրանսպորտով փոխադրումների համակարգում դիֆերենցացված մոտեցում կիրառելու համար։

Այս միջոցառումը կօգնի նաեւ խուսափել սեռական ոտնձգության դեպքերից։