ԱՄՆ նախագահ Դոնալդ Թրամփը բարձր է գնահատել օրենսդիրների աշխատանքը, որոնք համաձայնեցրել են հարկային բարեփոխումների նախագիծը, հաղորդում է «Ամերիկայի ձայնը»:
«Հարկային բարեփոխումների մասին օրենքի ընդունումից մեզ մի քանի օր է բաժանում», - ընդգծել է Թրամփը:
Ավելի վաղ, Սենատում եւ Ներկայացուցիչների պալատում հանրապետականները հասել են «սկզբունքային համաձայնության»՝ ավարտելով բարեփոխումների ճակատագրի վերաբերյալ բանակցությունների առաջին փուլը:
Սենատի ֆինանսների կոմիտեի նախագահ Օրին Հատչի խոսքով՝ բանակցող կողմերը կարողացել են համաձայնեցնելԿոնգրեսի պալատների կողմից արդեն հաստատված երկու օրինագծերի մանրամասները եւ այժմ «պարզապես պետք է հաստատել վերջնական փաստաթղթի առանձին կետերը»: