Գերմանիայի Սոցիալ-դեմոկրատական կուսակցության (ԳՍԴԿ) նախագահ Մարտին Շուլցը իր պաշտոնից հեռանալու մասին է հայտարարել: «Երբեմն այս աշխատանքը բարդ է, բայց ես այս պաշտոնից հեռանում եմ առանց դառնության եւ ցավի», - ասել է Շուլցը, հաղորդում է ՏԱՍՍ-ը:
Նրա խոսքով՝ կուսակցության ղեկավարությունը ԳՍԴԿ նախագահի պաշտոնում առաջադրել է Բունդեսթագում Սոցիալ-դեմոկրատական խմբակցության ղեկավար Անդրեա Նալեսին:
Ըստ Spiegel-ի՝ կուսակցության ղեկավարի պաշտոնակատարը կլինի ԳՍԴԿ նախագահի տեղակալ, Համբուրգի քաղաքապետ Օլաֆ Շոլցը:
