ԱՄՆ նախագահ Դոնալդ Թրամփը Դումա քաղաքում քիմիական հարձակման մասին տեղեկության ֆոնին Ռուսաստանին եւ Իրանին մեղադրել է Սիրիայի առաջնորդ Բաշար Ասադին աջակցելու մեջ, փոխանցում է «ՌԻԱ Նովոստի»-ն:
«Սիրիայում խելահեղ քիմիական հարձակման ժամանակ մեծ թվով զոհեր են եղել, այդ թվում՝ կանայք եւ երեխաներ: Վայրագությունների շրջանը փակ է եւ շրջապատված սիրիական բանակի կողմից, ինչը այն բացարձակապես անհասանելի է դարձնում արտաքին աշխարհի համար: Անասուն Ասադին աջակցելու համար պատասխանատու են նախագահ Պուտինը, Ռուսաստանը եւ Իրանը: Ստիպված կլինեն մեծ գին վճարել: Անմիջապես շրջանը բացեք բժշկական օգնության եւ ստուգման համար: Եվս մեկ հումանիտար աղետ՝ առանց որեւէ պատճառի»,- նշել է Թրամփը Twitter-ի իր միկրոբլոգում:
Many dead, including women and children, in mindless CHEMICAL attack in Syria. Area of atrocity is in lockdown and encircled by Syrian Army, making it completely inaccessible to outside world. President Putin, Russia and Iran are responsible for backing Animal Assad. Big price...
— Donald J. Trump (@realDonaldTrump) 8 апреля 2018 г.
ԱՄՆ առաջնորդը նաեւ մեղադրել է ԱՄՆ նախկին նախագահ Բարաք Օբամային, որ նա Սիրիայում 2013 թվականին հարված չի հասցրել, չնայած խոստացել էր դա անել այս երկրում քիմիական զենքի կիրառման դեպքում: «Եթե նախագահ Օբաման անցներ ավազի վրա իր հայտարարած կարմիր գիծը, ապա սիրիական աղետն արդեն վաղուց ավարտված կլիներ: Անասուն Ասադն արդեն պատմություն կլիներ»,- նշել է Թրամփը: