News
Լրահոս
News
Երկուշաբթի
Նոյեմբեր 19
Տեսնել լրահոսը

Ճապոնիայում ավելի ու ավելի մեծ թվով դպրոցներ ու ընկերություններ են աշակերտներին եւ աշխատակիցներին կոչ անում արտասվել՝ սթերսից ազատվելու եւ սեփական հոգեկան առողջությունը պահպանելու համար, հայտնում է The Japan Times-ը:

Փորձագետների կարծիքով, որոնց վկայակոչում են հաստատությունների ղեկավարները, ուրախության կամ տխրության արցունքները օգնում են ազատվել լարվածությունից եւ թուլացնել վեգետատիվ նյարդային համակարգը: «Արտասվելը մշտական սթրեսից ինքնապաշտպանություն է»,- պարզաբանել է Նիպպոն համալսարանի պրոֆեսոր Ջունկո Ումիհարան:

Պարբերականը ներկայացնում է միջնակարգ դպրոցի ուսուցիչ Հիդեֆումի Յոշիդային, որն արդեն ավելի քան 5 տարի արտասվելու հատուկ դասեր է անցկացնում: Դրանց ժամանակ նա մարդկանց սովորեցնում է, թե ինչպես արցունքների ժամանակ լարվածությունից ազատվեն: «Եթե դուք շաբաթը մեկ անգամ արտասվում եք, կարող եք ապրել սթրեսից ազատ կյանքով»,- ասում է Յոշիդան: Նրա խոսքով՝  սա ավելի արդյունավետ մեթոդ է, քան ծիծաղն ու քունը:

Տոհո համալսարանից իր գործընկերոջ հետ նա շրջագայում է երկրում եւ արտասվելու օգուտի մասին դասախոսություններ կարդում: 2015 թվականին Ճապոնիայում պարտադիր ծրագիր է դարձել 50-ից ավելի աշխատակից ունեցող ընկերությունների համար սթրեսի մակարդակի ստուգումը: Դրանից հետո տղամարդիկ ավելի շատ հրավերքներ են ստանում տարբեր ընկերություններից:

Ճապոնիայում չափից ավելի շատ աշխատելը եւ սթրեսը հաճախ են մահվան՝ կարոսիի հանգեցնում, արտաժամյա աշխատանքի հետեւանքով: Սովորաբար կարոսիի պատճառ են դառնում սթրեսի եւ սաստիկ հոգնածության ֆոնին աշխատավայրում սրտի եւ գլխուղեղի կաթվածները, սակայն դրանց մի մասը հենց ինքնասպանություններն են: Ամեն տարի գրանցվում են այդպիսի հարյուրավոր դեպքեր, ոչ պաշտոնական թիվը հասնում է հազարի:

!
Այս նյութը հասանելի է նաև   Русский
Տպել
Ամենաշատ
Partner news