News
Լրահոս
News
Չորեքշաբթի
Մայիս 22
Տեսնել լրահոսը

ԱՄՆ-ի նախագահ Դոնալդ Թրամփը պետք է ավելի շատ համբերություն ցուցաբերի Հյուսիսային Կորեայի հետ եւ չմասնակցի երկրի առաջնորդ Կիմ Չեն Ընի հետ հանդիպմանն առանց համաձայնագրի առկայության: Այդ մասին հայտարարել է ՄԱԿ-ում ԱՄՆ-ի նախկին մշտական ներկայացուցիչ Բիլ Ռիչարդսոնը, հաղորդում է The Hill-ը:

«Նա երբեմն շատ անհամբեր է, եւ նրան դուր են գալիս բարձր մակարդակի հանդիպումները մեծաքանակ լրագրողների ներկայությամբ»,-համարում է դիվանագետը: «Նա պետք է պարզապես թույլ տա իր մարդկանց ստիպել հյուսիսկորեացիներին որոշ զիջումների գնալ եւս մեկ գագաթնաժողով անցկացնելու համար»:

Նրա խոսքերով՝ նախքան հնարավոր գագաթնաժողովը պետք է որոշակի համաձայնության գալ: «Դա տեղի չի ունեցել Վիետնամում, իսկ դրա արդյունքը աղետալի էր, քանի որ երկու կողմերը հեռացել էին ձեռնունայն»:

Ռիչարդսոնը, որը զբաղեցնում էր նաեւ ԱՄՆ-ի էներգետիկայի նախարարի պաշտոնը Բիլ Քլինթոնի օրոք, համարում է, որ խելամիտ կոմպրոմիսը պետք է ներառի «որոշ չափով ապամիջուկայնացում եւ հրթիռների որոշակի սահմանափակումներ պատժամիջոցների որոշ չափով թուլացման փոխարեն»:

Կիմ Չեն Ընը եւ Դոնալդ Թրամփը հանդիպել էին Հանոյում փետրվարին: Սակայն համաձայնության գալ չէր հաջողվել: Թրամփը լքել էր գագաթնաժողովը նախատեսվածից շուտ: Հյուսիսկորեական պետական ԶԼՄ-ներն այդ շաբաթ հաղորդել էին, որ Կիմ Չեն Ընը հետեւում էր նոր տիպի տակտիկական կառավարվող զենքի փորձարկումներին: Պաշտպանության նախարարի պաշտոնակատար Պատրիկ Շանահանը հաստատել էր, որ փորձարկվել էր զենք, սակայն դա բալիստիկ հրթիռ չէր:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Միջուկային պատերազմի ռիսկերն այսօր բարձր են. ՄԱԿ-ի փորձագետ
Անհետաձգելի խնդիր է...
Տրիպոլիի մարտերը երկարատեւ եւ արյունալի պատերազմի սկիզբն են. ՄԱԿ դեսպան
Շատ երկրներ զենք են մատակարարում Տրիպոլիի կառավարությանը...
UN Women-ի գործադիր տնօրենը համագործակցության առաջարկներ է ներկայացրել Զոհրաբ Մնացականյանին
Մտքեր փոխանակվեցին միջազգային ձեւաչափերում կանանց իրավունքների առնչությամբ Հայաստանի ընթացիկ գործունեության եւ իրականացվող ծրագրերի շուրջ...
Մշակութային բազմազանության օր հանուն երկխոսության եւ զարգացման
Մայիսի 21-ին նշվում է Մշակութային բազմազանության օրը հանուն երկխոսության եւ զարգացման...
ՄԱԿ-ը կոչ է արել բնական աղետների սպառնալիքի նվազեցման ակտիվ միջոցներ ձեռնարկել
ՄԱԿ-ը կոչով դիմել է համաշխարհային հանրությանը...
ՄԱԿ-ը հայտնում է միջատներից պատրաստված կերակուրի օգուտի մասին
Ավելի սննդարար ու էկոլոգիական մթերքների որոնումները սպառողներին եւ գիտնականներին ստիպում են դիմել սնունդի ոչ ավանդական աղբյուրների…