Ուսումնասիրությունը ցույց է տվել, որ շների տերերի բնավորությունը նման է իրենց ընտանի կենդանիների խառնվածքին: Դրա համար գերմանացի գիտնականները վերլուծել են կենդանիների եւ նրանց տերերի հարաբերությունների մասին տասնյակ հոդվածներ:
Պարզվել է, որ ընտանի կենդանիների հանդեպ անկեղծ հոգատարությունը դրական է ազդում նրանց վրա: Նման կենդանիները լի են էներգիայով, ունեն բարձր ինտելեկտ, ավելի շփվող են, հնազանդ եւ ընկալունակ սովորելու համար։
Սակայն շան նկատմամբ սիրո պակասը նույնպես ազդել է նրա վարքի վրա եւ առաջացրել այնպիսի խնդիրներ, ինչպիսիք են ագրեսիան եւ անհանգստությունը: Այս կենդանիները հաճախ հակասոցիալական վարք են դրսեւորել։
Միաժամանակ պարզվել է, որ կենդանուն վնասում են նաեւ այն տերերը, ովքեր չափազանց կապված են իրենց ընտանի կենդանու հետ։ Սա ավելի հաճախ նկատվել է ամուսնալուծված կամ երեխա չունեցող մարդկանց մոտ։
Սակայն, գիտնականները նշել են, որ տերերից ոչ մեկը չի նշել, որ շուն ձեռք բերելիս հաշվի է առել անհատականության համատեղելիությունը: Ընդհակառակը, որոշիչ գործոնն ամենից հաճախ եղել է կենդանու արտաքին տեսքը։
