Օգոստոսի 20-ին Հայաստանի նոր ընտրված Ազգային ժողովի նիստում հրապարակվել են խորհրդարանի մշտական հանձնաժողովների նախագահների ընտրության գաղտնի քվեարկության արդյունքները։

«Ազգային ժողովի կանոնակարգ» սահմանադրական օրենքի համաձայն՝ մշտական խորհրդարանական հանձնաժողովների նախագահների և նրանց տեղակալների թեկնածուներ առաջադրելու իրավունքը բաշխվում է խիստ ըստ խմբակցությունների թվաքանակի։ Արդյունքում իշխող «Քաղաքացիական պայմանագիր» կուսակցությունը հնարավորություն ստացավ զբաղեցնելու ութ նախագահի և յոթ փոխնախագահի պաշտոններ։

Ընդդիմադիր «Ուժեղ Հայաստան» դաշինքի խորհրդարանական խմբակցությանը բաժին հասան հանձնաժողովների երեք ղեկավարի և չորս տեղակալի պաշտոններ, իսկ ընդդիմադիր «Հայաստան» դաշինքի խորհրդարանական խմբակցությունը ստացավ մեկ նախագահի և մեկ փոխնախագահի թեկնածու առաջադրելու իրավունք։

Գաղտնի քվեարկության արդյունքների համաձայն՝ Հայաստանում իշխող կուսակցության՝ խորհրդարանի մշտական հանձնաժողովների ղեկավարների պաշտոններին առաջադրված բոլոր 8 թեկնածուները, ինչպես և սպասվում էր, ընտրվել են, մասնավորապես՝

պետաիրավական հարցերի մշտական խորհրդարանական հանձնաժողով – Արուսյակ Ջուլհակյան,

պաշտպանության և անվտանգության մշտական խորհրդարանական հանձնաժողով – Վիլեն Գաբրիելյան,

տնտեսական հարցերի մշտական խորհրդարանական հանձնաժողով – Բաբկեն Թունյան,

արտաքին հարաբերությունների մշտական խորհրդարանական հանձնաժողով – Սարգիս Խանդանյան,

կրթության, գիտության, մշակույթի, սփյուռքի, երիտասարդության և սպորտի մշտական խորհրդարանական հանձնաժողով – Սիսակ Գաբրիելյան,

աշխատանքի և սոցիալական հարցերի մշտական խորհրդարանական հանձնաժողով – Նազելի Բաղդասարյան,

առողջապահության մշտական խորհրդարանական հանձնաժողով – Լուսինե Բադալյան,

տարածաշրջանային և եվրասիական ինտեգրման մշտական խորհրդարանական հանձնաժողով – Տրդատ Սարգսյան։