Եվրահանձնաժողովը (ԵՀ) Կիևին հատկացնում է 3,3 միլիարդ եվրո՝ սպառազինության գնման համար, Ուկրաինային աջակցելու 90 միլիարդ եվրո վարկի շրջանակում։ Այս մասին հայտնել է ԵՀ նախագահ Ուրսուլա ֆոն դեր Լայենը։

«Այսօր մենք հատկացնում ենք 3,3 միլիարդ եվրո՝ անօդաչու սարքերի և հրթիռների գնման համար, Ուկրաինային աջակցության վարկի շրջանակում։ Եվրոպան կշարունակի Ուկրաինային ցուցաբերել անհրաժեշտ աջակցություն՝ իր ժողովրդին և իր տարածքը պաշտպանելու համար», - ֆոն դեր Լայենի խոսքերը մեջբերվել են Եվրահանձնաժողովի մամուլի հաղորդագրությունում։

Հաղորդագրությունում նշվել է, որ տրանշն ուղղված է Կիևի հակաօդային պաշտպանության ոլորտի կարիքների ծածկմանը, ներառյալ Patriot համակարգերի համար նախատեսված PAC-3 հրթիռները։ Սեպտեմբերի 11-ին Եվրահանձնաժողովը հավանություն էր տվել 6,1 միլիարդ եվրոյի հատկացմանը՝ Ուկրաինայի հակաօդային և հակահրթիռային պաշտպանության, ինչպես նաև պաշտպանական այլ կարիքների համար։