նախընտրելի դարձնել
Արմավիր քաղաքի Շահումյան 11 եւ 13 վթարային շենքերի բնակիչները կվերաբնակեցվեն Արմավիրի պահածոների գործարանի նախկին վարչական շենքում, որը վերակառուցվել եւ համապատասխանեցվել է բնակելի շենքի: Վարչապետ Տիգրան Սարգսյանն Արմավիրի մարզպետ Աշոտ Ղահրամանյանի ուղեկցությամբ այցելել է Արմավիր եւ ծանթացել պահածոների գործարանի նախկին վարչական շենքում իրականացված վերակառուցման աշխատանքներին:
Կառավարության մամուլի ծառայությունից հայտնում են, որ շինարարական աշխատանքների համար ՀՀ պետական բյուջեից հատկացվել էր 244 մլն 170 հազար դրամ: Վերակառուցման նախագծով շենքն ունի 44 բնակարան, որից 14-ը՝ մեկ սենյականոց է, 25-ը՝ 2, 5-ը՝ 3 սենյականոց բնակարան: Շենքում ստեղծվել են բնակության համար անհրաժեշտ բոլոր պայմանները: Բնակիչներին կհատկացվեն վթարային շենքերում իրենց զբաղեցրած բնակմակերեսին համապատասխան բնակարաններ:
Շենքի վերակառուցման շինարարությունը սկսվել է 2012 թվականի հուլիսի 17-ին: Ներկայում կատարվել են նախատեսված բոլոր շինարական աշխատանքները եւ վերակառուցված շենք պատրաստ է շահագործման:
Շահումյան փողոցի թիվ 11 եւ 13 բնակելի վթարային շենքերի բնակիչները շնորհակալություն են հայտնել կառավարության ղեկավարին՝ իրենց բնակարանային խնդիրներին հետամուտ լինելու եւ վերաբնակեցման հարցին համապատասխան լուծում գտնելու համար:
Ավելի վաղ՝ 2011 թվականի սեպտեմբերի 3-ին վարչապետ Սարգսյանը հանդիպել էր շենքերի բնակիչներին, լսել նրանց բնակարանային խնդիրները եւ խոստացել գտնել համապատասխան լուծումներ:
