նախընտրելի դարձնելՀայոց ցեղասպանությունը պետք էր վաղուց ճանաչել, կարծում է ուկրաինացի հայտնի գրող Վասիլի Շկլյարը: Մեկնաբանելով Ուկրաինայի Գերագույն Ռադայում Հայոց ցեղասպանության ճանաչման վերաբերյալ օրինագծի ներկայացումը` Analitika.at.ua-ի հետ զրույցում Շկլյարը զարմանք է հայտնել, որ այս հարցը քննարկվում է միայն այժմ:
«Շատ ցավալի է, որ Հայոց ցեղասպանության եւ Գոլոդոմորի հարցերը համապատասխան գնահատականի չեն արժանացել: Նման հարցերի պարագայում անտեղի է սակարկելը, Հայոց ցեղասպանությունը պետք է ճանաչվի` անկախ քաղաքական շարժառիթներից», նշել է Վասիլի Շկլյարը:
NEWS.am-ն ավելի վաղ հայտնել էր, որ հունիսի 6-ին Ուկրաինայի Գերագույն Ռադայում Հայոց ցեղասպանության ճանաչման վերաբերյալ օրինագիծ էր գրանցվել: Օրինագծի հեղինակներն են Արսեն Ավակովը (Բատկիվշչինա), Վիլեն Շատվորյանը եւ Նվեր Մխիթարյանը (Ռեգիոնների կուսակցություն)։
