Հյուսիսային Իռալնդիայի մայրաքաղաք Բելֆասթում կաթոլիկների եւ բողոքականների միջեւ բախումների ընթացքում վիրավորվել է 56 ոստիկան, հաղորդում է BBC-ն: Ոստիկանությունը հայտարարում է անկարգությունների 7 մասնակիցների կալանավորման մասին:

Ավելի վաղ հաղորդվել էր, որ Բելֆասթում կաթոլիկներիի եւ բողոքականների բախումների արդյունքում 26 ոստիկաններ են տուժել,  որոնք փորձել են կանխել բախումը:

Բախումներն սկսվել են, երբ բողոքական համայնքի անդամները փորձել են փակել կաթոլիկների երթի ճանապարհը, որոնք հանդես են գալիս հօգուտ Իռլանդիայի միավորման:

Ոստիկանությունը փորձել է կանխել բռնությունը` կիրառելով ռետինե փամփուշտներ եւ ջրցան մեքենաներ, ի պատասխան ոստիկանների ուղղությամբ աղյուսներ եւ շշեր են նետվել, հաղորդում է  BBC-ի ռուսական ծառայությունը:

Բելֆաստում կաթոլիկների եւ բողոքականների բախումների արդյունքում ոստիկաններ են տուժել