նախընտրելի դարձնել
Japan Airlines ավիաընկերության Boeing 787 Dreamliner-ում հերթական անգամ ուժակուտակիչ մարտկոցը սկսել է ծխալ:
Պարզվել է, որ ծխի պատճառը օդանավի քթամասում տեղադրված ութ մարտկոցներից մեկում ջերմաստիճանի կտրուկ բարձրացումն է եղել: Բռնկում չի եղել, ոչ ոք չի տուժել: Ուղեւորներ օդանավում այդ պահին չեն եղել, հայտնում է «Վեդոմոստին»՝ վկայակոչելով NHK-ն:
Ավելի վաղ Dreamliner-ի թռիչքները 2013թ. հունվարից մայիս ընկած ժամանակահատվածում դադարեցվել էին՝ ուժակուտակիչ մարտկոցների բռնկման պատճառով: Բռնկման պատճառները պարզելուց եւ խնդիրը լուծելուց հետո Boeing 787-ի թռիչքներն ամբողջ աշխարհում վերսկսվել էին: Սակայն դրանից հետո էլ մամուլը բազմիցս հայտնել է այդ օդանավերում նմանատիպ անսարքությունների մասին:
Ավելին, 2013-ի սեպտեմբերին նորվեգական Norwegian Air Shuttle-ը արտադրողին էր վերադարձրել նոր Boeing Dreamliner 787-ը՝ դա հիմնավորելով օդանավերում առկա տարբեր թերություններով եւ ոչ հուսալիությամբ:
