նախընտրելի դարձնելՀոկտեմբերի 27-ին ռուսական ավիաընկերությունը վեց տարվա ընդմիջումից հետո Մոսկվայից Թբիլիսի առաջին ուղիղ չվերթն է իրականացրել՝ երկու երկրների միջեւ վերսկսելով պարբերական ավիահաղորդակցումը: Այս մասին տեղեկացնում է «Վեստին»:
Ըստ աղբյուրի` «Աերոֆլոտի» Airbus A320 օդանավը Թբիլիսիում վայրէջք է կատարել 03:00-ին: Թբիլիսի-Մոսկվա-Թբիլիսի տոմսի արժեքը միջինը կազմում է 350 եվրո:
Աղբյուրը հիշեցնում է, որ Ռուսաստանի եւ Վրաստանի միջեւ պարբերական ավիահաղորդակցումը ընդհատվել էր 2008թ. օգոստոսին` Հարավային Օսիայում զինված հակամարտության հետեւանքով: Թռիչքները վերսկսվել էին 2010թ. օգոստոսին: Ներկայումս ՌԴ եւ Վրաստանի միջեւ ուղիղ չվերթներն իրականացվում են չարտերային ռեժիմով` Մոսկվա եւ Եկատերինբուրգ Թբիլիսիից, Բաթումից, Քութայիսից: Չվերթներն իրականացնում են «Սիբիր» եւ «Ուրալի ավիաուղիներ» ընկերությունները, վրացական կողմից` Georgian Airways-ը:
