նախընտրելի դարձնել
«Ռոսսելխոզնադզոր»-ի մասնագետները Սմոլենսկի շրջանում ոչնչացրել են 3 տոննա տավարի միս, որը անասնաբուժական պիտակ եւ ուղեկցող փաստաթղթեր չի ունեցել, ինչպես նաեւ՝ 20 տոննա պղպեղ։ Դրա մասին հաղորդվել է տեսչության մամուլի հաղորդագրությունում։
«Այսօր ոչնչացվել է 3 տոննա մսամթերք եւ 20 տոննա բուսական մթերք, իսկ այսօրվա դրությամբ ընդհանուր առմամբ ոչնչացվել է 332 տոննա բուսական եւ 39 տոննա կենդանական ծագում ունեցող սննդամթերք», — նշված է հաղորդագրությունում։
Ծառայության տեղեկության համաձայն, առգրավվել է նաեւ երկու մեքենա 40 տոննա դեղձով եւ նետարինով։ Տվյալ բեռը Բելորուսիայից եկել է բուսասանիտարական վկայականներով, որոնք տրվել էին Մարոկկոյի տված բուսասանիտարական վկայականի հիման վրա։ Մարոկկոյի իշխանությունները, իրենց հերթին, հաստատել են այդ բեռին վկայականի տրամադրումը։ Բեռների այդ խմբաքանակը եւս ոչնչացվել է, փոխանցում է Gazeta-ն։
Նախկինում արդեն հաղորդվել էր, որ Սմոլենսկի բնակիչները պարկերով Վիսոկի Խոլմ գյուղի մերձակայքից հանում են պատժամիջոցային ցուցակի միրգն ու բանջարեղենը։ Տեղի բնակիչներից մեկի խոսքով, այդ դեղձից հրաշալի ինքնաթոր օղի է ստացվում։
