նախընտրելի դարձնելՉինական գյուղի բնակիչները հայց են ներկայացրել Նիդեռլանդների դատարան՝ պահանջելով վերադարձնել վանականի առեւանգված մումիան, որը ավելի քան հազար տարեկան է, հայտնում է BBC-ն։
Բուդդայի փայտյա արձանի մեջ ամփոփված վանականի աճյունը գողացվել է 1995-ին Ֆուցզյան նահանգի Յանչուն գյուղի տաճարից։
Յանչունի բնակիչները իրենց հայցում պնդում են, որ հոլանդացի կոլեկցիոները, որի դեմ իրենք հայց են ներկայացրել, այդ արձանը Հոնկոնգում է ձեռք բերել 1996-ին ։
Վերջին տարիներին չինական իշխանոթյունները արշավ են սկսել արտեֆակտները Չինաստան վերադարձնելու համար՝ հայտնելով, որ դրանք առեւանգվել են օտարերկրացիների կողմից։
Սակայն առայսօր այդ փորձերը հազվադեպ են հաջողություն ունեցել։
Այս գործը նաեւ բարդանում է նրանով, որ հոլանդացի կոլեկցիոներ Օսկար վան Օվերրեմը 2015-ին Բուդդայի այդ արձանը ենթադրաբար փոխանակել է մի քանի բուդդայական արտեֆակտերի հետ, որոնք ստացել է մեկ այլ արթ դիլերից, որի անունը չեն հրապարակում։
Արձանի գտնվելու վայրը անհայտ է։
Այդ արձանը պաշտամունքային է եղել գյուղի բնակիչների համար։
Մի քանի տարի առաջ արձանը հետազոտել էին ռենտգենյան ճառագայթների միջոցով ու ներսում հայտնաբերել վանականի մումիֆիկացված աճյունը, որը հազար տարեկան էր։
