նախընտրելի դարձնելPayPal, SpaceX եւ Tesla ընկերությունների հիմնադիր Իլոն Մասկը հայտնել է հրուշակագործական բիզնես սկսելու մտադրության մասին, փոխանցում է «ՌԻԱ Նովոստի»-ն:
«Ես քաղցրեղենի արտադրության ընկերություն եմ ստեղծում: Զարմանահրաշ կլինի»,- Twitter-ում նշել է ձեռնարկատերը:
I’m starting a candy company & it’s going to be amazing
— Elon Musk (@elonmusk) 5 мая 2018 г.
Ավելի ուշ բիզնեսմենը հավելել է, որ ինքը «սուպերլուրջ» մտադրություններ ունի եւ առաջարկել է «կրիպտոկոնֆետ» ստեղծել:
Մասկն այս թվիթով, հավանաբար, շարունակել է Berkshire Hathaway հոլդինգի եւ դրա ղեկավարներ Ուորեն Բաֆեթի ու Չարլզ Մանգերի հետ հեռակա վեճը: Վեճը ծագել է այն բանից հետո, երբ Tesla-ի բաժնետերերի ժողովի ժամանակ ընկերության ղեկավարը քննադատել է Բաֆետի ներդրած «տնտեսական խրամատի» հայեցակարգը՝ երկարաժամկետ առավելության, որն ընկերությանը թույլ է տալիս վաստակել միջինից շատ եւ պաշտպանել շուկայում առաջատարի դիրքերը:
Բաֆեթն ընդդիմախոսին մարտահրավեր է նետել՝ նրան առաջարկելով մրցակցել կոնֆետի արտադրության ոլորտում: Ավելի ուշ Մասկը խոստացել է խրամատ «կառուցել եւ այն կոնֆետով լցնել» եւ հավելել է, որ Բաֆեթը «չի կարողանա ներդրումներ չանել» իր հրուշակագործական նախագծում:
Then I’m going to build a moat & fill it w candy. Warren B will not be able to resist investing! Berkshire Hathaway kryptonite …
— Elon Musk (@elonmusk) 6 мая 2018 г.
Մասկը այն ժամանակ է հայտարարել նոր բիզնեսը թողարկելու մտադրության մասին, երբ նրա մյուս նախաձեռնությունները ռեկորդային վնասներ են կրում: Ապրիլի վերջին վարկանիշային 2 խոշորագույն գործակալություններ՝ Moody's-ը եւ S&P-ը Tesla-ի պարտքային պարտավորություններին «աղբի» վարկանիշ են շնորհել՝ արժեթղթերը որպես սպեկուլատիվ բնութագրելով:
Մասկը հերքել է ավելի վաղ հրապարակված տեղեկությունը, որ հանդիպում է 29-ամյա բիզնես լեդի Թայլեր Հեյնիի հետ: Պատասխանելով Twitter-ի օգտատերերից մեկի մեկնաբանությանը, որը խնդրել էր իրավիճակը պարզաբանել, որովհետեւ «մարդիկ արդեն 5 ժամ ուշքի չեն գալիս», ձեռնարկատերը հայտնել է, որ Հեյնիի հետ ուղղակի ընկերներ են:
«(Հոգոց հանելով), Թայն ինձ դուր է գալիս, սակայն նա [միայն] ընկեր է: Մենք չենք հանդիպում»,- նշել է Մասկը Twitter-ում:
Saying you like “moats” is just a nice way of saying you like oligopolies
— Elon Musk (@elonmusk) 6 мая 2018 г.
