նախընտրելի դարձնել
Բուլղարիայում ապրող հայերը պահպանել են իրենց ինքնությունը եւ ազգային մշակույթը, եւ պետությունը նրանց աջակցում է: Այս մասին հունիսի 29-ին Հայաստանի Հանրապետության Ազգային ժողովի լրագրողների հետ հանդիպման ժամանակ, ամփոփելով Բուլղարիա կատարած այցի արդյունքները, հայտարարեց ՀՀ-ում Բուլղարիայի պատգամավորական բարեկամության խմբի անդամ, «Ելք» դաշինքի պատգամավոր Արամ Սարգսյանը:
Նա նշեց, որ հայերը բարձր պաշտոններ են զբաղեցնում Բուլղարիայի ուժային կառույցներում եւ մեծ հարգանք են վայելում: «Նրանց կարծիքի հետ հաշվի են նստում: Ակնհայտ դարձավ նաեւ այն, որ, լինելով փոքրամասնություն, նրանց ձայնը, այնուամենայնիվ, վճռական նշանակություն ունի, քանի որ կարծիքը ազդեցություն ունի մի շարք բուլղարացիների վրա», - վստահեցրեց Սարգսյանը՝ հավելելով, որ հայերը բավական ակտիվ են բազմաթիվ ոլորտներում, իսկ նրանց աշխատասիրությունը թույլ են տալիս նրանց բազմաթիվ հարցեր լուծել:
Արամ Սարգսյանը նշել է, որ Բուլղարիայում գտնվող հայկական սփյուռքի ներկայացուցիչները, ինչպես նաեւ այս երկրում աշխատող Հայաստանի քաղաքացիները դժգոհում էին, որ նրանց թույլ չեն տալիս իրենց ավտոմեքենաներով մուտք գործել երկրի տարածք, իսկ եթե անգամ թույլ են տալիս, ապա՝ կարճ ժամանակով: Այս խնդիրը, ըստ պատգամավորի, պետք է լուծվի հարկային եւ մաքսային մարմինների հետ:
