ԱՄՆ նախագահ Դոնալդ Թրամփը եւ Ճապոնիայի վարչապետ Սինձո Աբեն պայմանավորվել են առեւտրային բանակցություններ սկսել, փոխանցում է Reuters–ը։

Համատեղ հայտարարությունում երկու երկրների առաջնորդները հայտարարել են, որ բանակցություններում կհարգվեն մյուս կառավարության դիրքորոշումը եւ ուղղված կլինեն Ճապոնիայի ավտոմենքենաների արտահանմանն ու գյուղատնտեսական սեկտորին։

Թրամփը հասկացնել է տվել, որ դժգոհ է Ճապոնիայի հետ առեւտրային բալանսի 69 միլիարդ դոլար պրոֆիցիտից եւ ցանկանում է, որ երկկողմ համաձայնագրերը վերանայվեին։

Տոկիոն մտահոգված է Թրամփի պահանջից կրճատել ճապոնական մեքենաների ներկրումը կամ որ կարող է բարձր մաքսատուրքեր սահմանել այդ ներկրումների համար՝ ազգային անվտանգության նկատառումներից ելնելով։

Աբեի խոսքով՝ ճապոնական ընկերությունները միլիարդավոր դոլարներ է ներդրել ազատ առեւտրի վրա հիմնված ԱՄՆ–ում աշխատանքային տեղեր ստեղծելու համար,  եւ Թրամփը դա հաստատել է իրենց հանդիպմանը։

Թրամփը նշել է, որ ուրախ է, որ Ճապոնիան համաձայնել է երկկողմ առեւտրային բանակցություններին եւ գոհացնող արդյունքի հույս ունի։