Նախընտրելի
2018-ի գլխավոր գիտական ձեռքբերումը, ըստ հեղինակավոր «Science» ամսագրի, մոլեկուլային-կենսաբանական մեթոդների հայտնաբերումն էր, որոնք թույլ են տալիս հետեւել օրգանիզմների բջիջների զարգացման համար պատասխանատու գեների ակտիվությանը, հայտնում է Planet Today-ը:
Հենց այս հայտնագործությունն էր, որ արժանացավ «2018 թվականի բեկում» կոչմանը, որը ավանդաբար շնորհում է «Science» գիտական ամսագիրը՝ տարին ամփոփելիս:
Ամսագրի փորձագետները համոզված են, որ գեների հետեւման մեթոդը, որի մասին է խոսքը, կարող է իրական հեղափոխություն առաջացնել հիմնարար կենսաբանական եւ բժշկական հետազոտություններում:
Մասնավորապես, գիտնականները վերջապես կպարզեն (իսկ, ավելի շուտ, նրանք արդեն սկսել են պարզել), թե կոնկրետ ինչպես են ձեւավորվում տարբեր ներքին օրգանների բջիջները, որոնք ներգրավված են կոնկրետ կենսաբանական խնդիրների կատարման մեջ:
Անցյալ տարվա կարեւորագույն գիտական ձեռքբերումների թվում են նեանդերթալացի-դենիսովյան երեխայի մնացորդների հայտնաբերումը, ինչպես նաեւ Գրենլանդիայի սառույցների տակ հսկայական աստերոիդային խառնարանի հայտնաբերումը:
Անցյալ տարին էլ առանց գիտական անհաջողությունների անցկացնել չեղավ: Գիտնականները դրանց թվում նշում են գլոբալ տաքացման հետ կապված վատթարացումը (որը վերջին տարիներին դարձել է ավելի արագ եւ կործանարար), Բրազիլիայի Ազգային թանգարանում զանգվածային հրդեհը, որը ոչնչացրեց բազմաթիվ արժեքավոր իրեր, ինչպես նաեւ մարդկային գենոմի խմբագրման փորձերը՝ էթիկայի տեսանկյունից, որոնց մասին լուրերը տարեվերջին հասան Չինաստանից:
