նախընտրելի դարձնել
Բոլորովին վերջերս ԿԳ նախարար Արմեն Աշոտյանի հրամանով Հայաստանի Ավետարանական աստվածաբանական ակադեմիայի եւ գերմանական համալսարանի գործունեության կասեցումից հետո Գյումրիի մասնավոր բուհերի ռեկտորների մոտ խուճապն ու անհանգստությունն ավելի է մեծացել: Մասնավոր բուհերի գյումրեցի ռեկտորներն հակված են կարծելու, որ ԿԳՆ-ն ուսանող չլինելու եւ պետական բուհերը ուսանողներով համալրելու համար է կասեցնում մասնավոր բուհերի լիցենզիաները:
«Ուսանողի պակաս ունեն բոլոր բարձրագույն ուսումնական հաստատությունները, մեր համալսարանում էլ այդ խնդիրը կա, սակայն դա ԲՈՒՀ փակելու հիմնավոր պատճառ չէ»,-NEWS am-ի թղթակցի հետ զրույցում ասել է Գյումրիի «Պրոգրես» ոչ պետական համալսարանի ռեկտոր Ռաֆիկ խաչատրյանն ու հավելել, որ «Պրոգրես» համալսարանում նկատվում է ուսանողների թվի նվազման միտում, իսկ այս տարի էլ պրոֆեսորա-դասախոսական կազմի կրճատում է սպասվում:
Ըստ Ռաֆիկ Խաչատրյանի` խնդիրը նոր ուսումնական տարում ավելի կլրջանա, քանի որ ինչպես հայտնի է, 2011-ին շրջանավարտներ չեն լինելու: Իսկ ուսումնական հաստատություններ փակելով կրթության եւ գիտության նախարարությունը,ըստ ռեկտորի, հարցին օբյեկտիվ լուծում տալ չի կարող:
