Թվարկվել են ավտոմեքենաների ամենաթանկ ընկերությունները: InterBrand խորհրդատվական գործակալությունը հրապարակում է աշխարհի ամենաթանկ ապրանքանիշերի ամենամյա վարկանիշը։ Առաջին տասնյակում ընդամենը երեք ավտոարտադրող է եղել՝ Toyota (վեցերորդ տեղ), Mercedes-Benz (յոթերորդ տեղ) և BMW (10-րդ տեղ): Tesla-ն մի փոքր չի ձգել տասնյակում հայտնվելու համար՝  զբաղեցնելով 12-րդ տեղը: Ընդհանուր առմամբ, InterBrand-ը նշում է, որ ավտոարդյունաբերությունը ամենադինամիկ զարգացող ճյուղերից է։

Հրապարակված վիճակագրության համաձայն՝ Toyota-ի ապրանքանիշի արժեքը մեկ տարվա ընթացքում աճել է ութ տոկոսով՝ հասնելով 64,5 միլիարդ դոլարի: Նախորդ տարվա համեմատ մեկ դիրքով բարձրացել է Mercedes-Benz-ը՝ թանկանալով ինը տոկոսով՝ հասնելով 61,4 միլիարդի։ BMW-ն հաղթահարել է միանգամից երեք հորիզոնական և առաջին անգամ զբաղեցրել 10-րդ տեղը՝ 51,1 միլիարդ արժեքով՝ 10 տոկոսովով ավելի, քան մեկ տարի առաջ։

Ավտոմոբիլային հատվածում հաջորդը Tesla-ն է՝ 49,9 միլիարդ դոլար (+4 տոկոս): Նրանից հետո, 27-րդ տեղում է Honda-ն (24,4 մլրդ դոլար, +6 տոկոս): 32-րդ տեղը զբաղեցրել է Hyundai-ն (20,4 մլրդ դոլար, +18 տոկոս), 45-րդը՝ Audi-ն է (16,3 մլրդ դոլար, +9 տոկոս), 47-րդը՝ Porsche-ն (16,2 մլրդ դոլար, +20 տոկոս), իսկ 50-րդը՝ Volkswagen-ը (15,1 մլրդ դոլար, +2 տոկոս): 

Լավագույն 100-ի երկրորդ կեսում հայտնվել են Ford-ը (51-րդ տեղ), Nissan-ը (63-րդ տեղ), Ferrari-ն (70-րդ տեղ) և Kia-ն (88-րդ տեղ): Վարկանիշում ընդգրկված 100 ընկերություններից միայն 13-ն են ավտոմոբիլային ընկերություններ։ 2023 թվականի ամենաթանկ ապրանքանիշերի ամբողջական ցանկը հասանելի է InterBrand-ի կայքում։