Tesla-ն առաջին Cybertruck-ների համար ուժակայանքի թարմացում է պատրաստել: Cybertruck-ի վաղ  պիկապների որոշ սեփականատերեր նամակ են ստացել Tesla-ից՝ որում առաջարկվել է սպասարկման կենտրոն պլանավորված այցի շրջանակներում էլեկտրաշարժիչներից մեկը փոխարինել նրա բարելավվաշ տարբերակով, գրում է Motor-ը։  Չի նշվում, թե երկու էլեկտրաշարժիչներից որի՞ մասին է խոսքը։  

Կան տարբեր վարկածներ, թե ինչու է Tesla-ն առաջարկում թարմացնել էլեկտրական շարժիչներից մեկը, մասնավորապես Cybertruck-ի առաջին խմբաքանակից: Հավանաբար ընկերությանը պետք են վաղաժամ պիկապ բեռնատարների ագրեգատները՝ դրանց ծառայության ժամկետի մասին տեղեկություններ հավաքելու համար: Այսպես թե այնպես, ավտոարտադրողը վստահեցնում է, որ էլեկտրաշարժիչը կատարելագործվածով փոխարինելը կամավոր է, և առաջին Cybertruck-ների հետ կապված խնդիրներ չկան։

Սակայն Cybertruck մոդելն այլ խնդիրներ ունի։ Հունիսի վերջին տեղեկություն եղավ դրանց հետկանչման արշավի մասին, որը վերաբերում էր 11,688 էլեկտրական պիկապների. հետկանչման պատճառը եղել է դիմապակու մաքրիչի դեֆեկտը և բեռնախցիկի պաստառի պոկվելը: Առաջին դեպքում խնդիրներ են հայտնաբերվել 2023 թվականի նոյեմբերից մինչև 2024 թվականի հունիս արտադրված մեքենաներում, երկրորդի դեպքում՝ նոյեմբերից մայիս ընկած ժամանակահատվածում արտադրվածների մեջ։

Մի քանի ամիս առաջ հայտնի դարձան Tesla Cybertuck-ի գազի ոտնակի հետ կապված միջադեպերը։ Բարձիկը անջատվում է ոտնակից և կարող է խրվել՝ առաջացնելով չմտածված արագացում և մեծացնելով վթարի վտանգը: ԱՄՆ-ի մայրուղային տրանսպորտի անվտանգության ազգային վարչությունը (NHTSA) Tesla-ին հանձնարարել է հետ կանչել պոտենցիալ վտանգ ներկայացնող մոտ 3,9 հազար պիկապ։