նախընտրելի դարձնել
Վատիկանը վերջ է դրել Ֆորտ Ուորթի կաթոլիկ եպիսկոպոս Մայքլ Օլսոնի և Տեխասի մի խումբ կուսակրոն միանձնուհիների միջև տասնամյակներ տևած թշնամությանը ՝ հայտարարելով, որ Արլինգթոնում կարմելիտների վանքը «մեռած» է և այլևս եկեղեցու մաս չէ, հայտնում է Chron պորտալը։
Իր հայտարարության մեջ Օլսոնը նշել է, որ «նախկին մենաստանում ապրող կանայք ոչ միանձնուհիներ են, ոչ էլ կարմելիտներ, չնայած նրանց մշտական և հրապարակային հակառակ ինքնանույնականացմանը»: Օլսոնը հայտարարել է, որ ցանկացած պատարագ կամ հաղորդություն, որը մատուցվում է վանքի տարածքում, «անօրինական է և կատարվում է առանց Ֆորտ Ուորթի թեմի լիազորության կամ ծառայության թույլտվության»: Նա զգուշացրել է, որ կաթոլիկները «վնաս կհասցնեն» եկեղեցուն՝ մասնակցելով այս արարողություններին։
Հաղորդվում է, որ 2023 թվականի ապրիլին եպիսկոպոս Օլսոնը սկսել է հետաքննել վերապատվելի Մայր Թերեզա Գերլախը, որը հաշմանդամի սայլակ է օգտագործում, այն պնդումների համար, որ միանձնուհին առցանց սիրավեպ է ունեցել Հյուսիսային Կարոլինա նահանգի նախկին քահանա հայր Ֆիլիպ Ջոնսոնի հետ՛ Օլսոնը Գերլախին մեղադրել է վեցերորդ պատվիրանի դեմ՝ շնություն գործելու և կուսության երդումը դրժելու մեջ:
Ինչպես հայտնում է CBS News-ը, եկեղեցին թույլ է տվել Ջոնսոնին այս տարի առողջական ցուցանիշներով թոշակի անցնել:
