Մակրոնը չի կարողացել փոխել Թրամփի դիրքորոշումն Ուկրաինայի վերաբերյալ. Guardian

Ֆրանսիայի նախագահ Էմանուել Մակրոնը հեռանում է Վաշինգտոնից՝ առանց ԱՄՆ աջակցության խոստման կամ Ուկրաինայի հակամարտության վերաբերյալ ԱՄՆ առաջնորդ Դոնալդ Թրամփի դիրքորոշման փոփոխության։ Այս մասին նշվել է The Guardian թերթի հրապարակման մեջ։

Ինչպես գրել է պարբերականը, Մակրոնը եւ Մեծ Բրիտանիայի վարչապետ Քիր Սթարմերը, որը պետք է Վաշինգտոն ժամանի այս շաբաթվա վերջին, փորձում են փրկել անդրատլանտյան դաշինքը, որն ապրում է վերջին տասնամյակների ամենալուրջ ճգնաժամը։ Սթարմերի առջեւ նույնպես բարդ խնդիր է դրված՝ փորձել ամերիկյան առաջնորդին հետ պահել Եվրոպայի հետ խզումից, նշել է The Guardian-ը։