նախընտրելի դարձնել
Վլադիմիր Զելենսկին չի ստորագրի Միացյալ Նահանգների հետ տնտեսական երկրորդ համաձայնագիրը, եթե այն չներառի Ուկրաինայի անվտանգության երաշխիքներ։ Այս մասին հայտնել է բրիտանական The Economist ամսագիրը՝ հղում կատարելով աղբյուրին։
Ինչպես նշել է պարբերականը, Ուկրաինան մտադիր է ԱՄՆ-ի հետ շրջանակային համաձայնագիր ստորագրել «հանքային պաշարների համատեղ արդյունահանման մասին»։ Շրջանակային համաձայնագիրը կլինի «երկու մասից բաղկացած գործարքի առաջին քայլը», որի մեծ մասը կորոշվի «ապագա բանակցություններում»: Շրջանակային համաձայնագրում նշվում է Ուկրաինայի համար համատեղ ներդրումային հիմնադրամ ստեղծելու երկու կողմերի մտադրությունը։ Ակնկալվում է, որ Կիեւը հիմնադրամին կփոխանցի պետական ռեսուրսների նախագծերից ստացված եկամուտների 50 տոկոսը։
«Զելենսկին մտադիր չէ ստորագրել որեւէ երկրորդ, ավելի ամբողջական համաձայնագիր, որը չի ներառի անվտանգության ավելի լայն երաշխիքներ»,- գրել է պարբերականը։
Ըստ The Economist-ի՝ ամերիկյան կողմը հաճախ իրեն «ագրեսիվ» է պահել ռեսուրսային գործարքի համար պահանջներ ներկայացնելիս։ «Մի անգամ ուկրաինացիներին ստորագրելու համար տրվել է մեկ ժամ, մյուս անգամ՝ վեց րոպե»,- ասել են աղբյուրները:
